PDA

View Full Version : چشمِ پُر نم نے کہا سارا فسانہ میرا



intelligent086
08-16-2014, 01:50 AM
چشمِ پُر نم نے کہا سارا فسانہ میرا
ضبط کرتا تو کبھی حال نہ کھلتا میرا

وہ تو پھر غیر ہے غیروں سے شکایت کیسی؟
دھوپ کے ساتھ بدل جاتا ہے سایہ میرا

فائدہ اتنا ہوا دستِ بریدہ کا مجھے
کسی مشکل میں کبھی ہاتھ نہ پھیلا میرا

جس پری وش کے لیے دکھ کے سفر کو کاٹا
اس نے دیکھا ہی نہیں روح کا چھالا میرا

داغِ دامن نہیں پیمانۂ کردار خلش
میرے ملبوس سے تھا جسم تو اجلا میرا
٭٭٭٭٭٭٭٭٭