Dr Maqsood Hasni
12-15-2017, 04:07 PM
کلام:
صوفی شاعر حضرت غلام حضور شاہ
پ 1907 و 1988
مر مر کے سجنو شوہ ملدا منزل فقر دی نئیں سو کھالڑی جے
اک ہتھ دا نئیں گناہ ہندا ہتھاں دواں نال وجدی تالڑی جے
کوئی زیوراں نال پرپور ہویاں اکنا لبھے ناں کناں دی ولڑی جے
حصے عمر دے کیتے نے دو مولا کوئی بڈی تے کوئی بالڑی جے
وکھو وکھ رنگ نیں صورتاں دے کوئی گوری تے کوئی کالڑی جے
کوئی نال اولاد کمال ہویاں کوئی بیٹھیاں گودیوں کھالڑی جے
کئی بوٹیاں نوں پھل بوہت لگن کوئی ترسدی پئی پھلاں نوں ڈالڑی جے
دن رات بنایا اے رب سوہنے دن ددھ چٹا تے رات کالڑی جے
جوڑا زمین آسمان دا خوب بنیا چن سورج دی شان نرالڑی جے
کوئی نال آرام سکون سون پیاں کسے رات دکھاں وچ جالڑی جے
سارا دن کیتا انتظار تیرا تساں صورت نہ آن وکھالڑی جے
جدوں عمر دا دن غروب ہوسی دھندکار پئے جائو رات قبر والی کالڑی جے
غوث قطب سارے ایتھوں ٹر گئے نیں واری نزع دی کسے نہ ٹالڑی جے
عزرائیل لئے جائو گا جان تیری بت رہ جائو گا روحوں کھالڑی جے
وچ قبر دے پا دین گے تینوں اوتھے کیتھوں لبھیں گا پلنگ نہالڑی جے
گھر بار نئیں جانا ساتھ تیرے ہتھوں جاویں گا سجناں خالڑی جے
علم عقل نہ مینوں کیتوں لبھی میں تاں گلی گلی قصور دی بھالڑی جے
کرماں والیاں نوں لبھن لال ہیرے میرے جیاں نوں لبھے نہ لالڑی جے
کسے نال عبادتاں ہتھ رنگے عمر میرے جیاں ایویٰں چا گالڑی جے
مینوں لبھا ناں تیرے جیا معقول بندہ نکر کنج میں بھالڑی جے
بول پالن ہوندا جے بڑا مشکل گل کرنی تے بڑی سوکھالڑی جے
گلاں نال تاں لنگ سمندر جاندے عمل نال ناں لنگ سکن اڈ کھالڑی جے
رتبہ سخی دا رب جے دیوے مینوں سوالی جاوے گا ناں کوئی کھالڑی جے
میرے جسم دا باغ سارا ویران ہویا محرم راز نہ لبھا کوئی مالڑی جے
کچلا ہنگ وی میں کھا ڈٹھا سلاجیت مجون وی میں وکھالڑی جے
میرے بخشیں توں گناں سارے تیرے در دا میں سوالڑی جے
تیرے راز دی رمز ناں پائی کسے تیرے رازاں دی رمز نرالڑی جے
تساں سیٹ چینی دے جوڑ رکھے کسے لبھے نہ مٹی دی پیالڑی جے
دکھ سکھ تے بندے دے نال ہوندے عمر صبر شکر نال لنگالڑی جے
کوئی بیٹھے نیں بادشاہ تخت اتے کجناں بھر چلماں عمر لنگالڑی جے
آخیر وقت پڑھیں یسین سورت جان نکلو تیری بڑی سوکھالڑی جے
گلاں نال بنن پہلوان وڈے مالی جت ناں کوئی وکھالڑی جے
گلاں کرنیاں بوہت سوکھلیاں نیں بولی پال ناں کوئی وکھلڑی جے
گلاں نال تاں بازیاں جت لیندے ہتھیں بازی جت ناں کوئی وکھالڑی جے
غلام حضور شاہ انصاف دے گھٹ بندے بہتے گلاں دے گالڑی جے
صوفی شاعر حضرت غلام حضور شاہ
پ 1907 و 1988
مر مر کے سجنو شوہ ملدا منزل فقر دی نئیں سو کھالڑی جے
اک ہتھ دا نئیں گناہ ہندا ہتھاں دواں نال وجدی تالڑی جے
کوئی زیوراں نال پرپور ہویاں اکنا لبھے ناں کناں دی ولڑی جے
حصے عمر دے کیتے نے دو مولا کوئی بڈی تے کوئی بالڑی جے
وکھو وکھ رنگ نیں صورتاں دے کوئی گوری تے کوئی کالڑی جے
کوئی نال اولاد کمال ہویاں کوئی بیٹھیاں گودیوں کھالڑی جے
کئی بوٹیاں نوں پھل بوہت لگن کوئی ترسدی پئی پھلاں نوں ڈالڑی جے
دن رات بنایا اے رب سوہنے دن ددھ چٹا تے رات کالڑی جے
جوڑا زمین آسمان دا خوب بنیا چن سورج دی شان نرالڑی جے
کوئی نال آرام سکون سون پیاں کسے رات دکھاں وچ جالڑی جے
سارا دن کیتا انتظار تیرا تساں صورت نہ آن وکھالڑی جے
جدوں عمر دا دن غروب ہوسی دھندکار پئے جائو رات قبر والی کالڑی جے
غوث قطب سارے ایتھوں ٹر گئے نیں واری نزع دی کسے نہ ٹالڑی جے
عزرائیل لئے جائو گا جان تیری بت رہ جائو گا روحوں کھالڑی جے
وچ قبر دے پا دین گے تینوں اوتھے کیتھوں لبھیں گا پلنگ نہالڑی جے
گھر بار نئیں جانا ساتھ تیرے ہتھوں جاویں گا سجناں خالڑی جے
علم عقل نہ مینوں کیتوں لبھی میں تاں گلی گلی قصور دی بھالڑی جے
کرماں والیاں نوں لبھن لال ہیرے میرے جیاں نوں لبھے نہ لالڑی جے
کسے نال عبادتاں ہتھ رنگے عمر میرے جیاں ایویٰں چا گالڑی جے
مینوں لبھا ناں تیرے جیا معقول بندہ نکر کنج میں بھالڑی جے
بول پالن ہوندا جے بڑا مشکل گل کرنی تے بڑی سوکھالڑی جے
گلاں نال تاں لنگ سمندر جاندے عمل نال ناں لنگ سکن اڈ کھالڑی جے
رتبہ سخی دا رب جے دیوے مینوں سوالی جاوے گا ناں کوئی کھالڑی جے
میرے جسم دا باغ سارا ویران ہویا محرم راز نہ لبھا کوئی مالڑی جے
کچلا ہنگ وی میں کھا ڈٹھا سلاجیت مجون وی میں وکھالڑی جے
میرے بخشیں توں گناں سارے تیرے در دا میں سوالڑی جے
تیرے راز دی رمز ناں پائی کسے تیرے رازاں دی رمز نرالڑی جے
تساں سیٹ چینی دے جوڑ رکھے کسے لبھے نہ مٹی دی پیالڑی جے
دکھ سکھ تے بندے دے نال ہوندے عمر صبر شکر نال لنگالڑی جے
کوئی بیٹھے نیں بادشاہ تخت اتے کجناں بھر چلماں عمر لنگالڑی جے
آخیر وقت پڑھیں یسین سورت جان نکلو تیری بڑی سوکھالڑی جے
گلاں نال بنن پہلوان وڈے مالی جت ناں کوئی وکھالڑی جے
گلاں کرنیاں بوہت سوکھلیاں نیں بولی پال ناں کوئی وکھلڑی جے
گلاں نال تاں بازیاں جت لیندے ہتھیں بازی جت ناں کوئی وکھالڑی جے
غلام حضور شاہ انصاف دے گھٹ بندے بہتے گلاں دے گالڑی جے