نالہ جُز حسنِ طلب، اے ستم ایجاد نہیں

[intelligent086]

نالہ جُز حسنِ طلب، اے ستم ایجاد نہیں
ہے تقاضائے جفا، شکوۂ بیداد نہیں
عشق و مزدوریِ عشرت گہِ خسرو، کیا خُوب!
ہم کو تسلیم نکو نامئ فرہاد نہیں
کم نہیں وہ بھی خرابی میں، پہ وسعت معلوم
دشت میں ہے مجھے وہ عیش کہ گھر یاد نہیں
اہلِ بینش کو ہے طوفانِ حوادث مکتب
لطمۂ موج کم از سیلئِ استاد نہیں
وائے مظلومئ تسلیم! وبداحالِ وفا!
جانتا ہے کہ ہمیں طاقتِ فریاد نہیں
رنگِ تمکینِ گُل و لالہ پریشاں کیوں ہے؟
گر چراغانِ سرِ راہ گُزرِ باد نہیں
سَبَدِ گُل کے تلے بند کرے ہے گلچیں!
مژدہ اے مرغ! کہ گلزار میں صیّاد نہیں
نفی سے کرتی ہے اثبات طراوش* گویا
دی ہی جائے دہن اس کو دمِ ایجاد “ نہیں“
کم نہیں جلوہ گری میں ترے کوچے سے بہشت
یہی نقشہ ہے ولے، اس قدر آباد نہیں
کرتے کس منہ سے ہو غربت کی شکایت غالبؔ
تم کو بے مہرئ یارانِ وطن یاد نہیں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
* نسخۂ مہر میں ’تراوش‘





Nalai juz husn talab, ai sitam ijad nahin
Hai taqazai jafa, shikwai baidad nahin
Ishq-o-mazdoori asher taghe khusro, kaya khoob!
Hum ko tasleem nako naami ferhad nahin
Kum nahin woh bhi khrabi mein, pe usat maloom
Dasht mein hai mujhe woh aish kih gher yaad nahin
Ahle maktab ko hai toofane hawadis maktab
Latmai mauj kam az saile ustad nahin
Waai ! mahroomia tasleem wabda! Haale wafa
Janta hai ki hamein taqate fariyad nahin
Runge tamkin gul-o-lalah, parishaniyon hai
Ger chiraghan sare rah guzare bad nahin
Sabad gul ke tale band kare hai gulchein
Mazdah, ai murgh! Kih guzar main sayyad nahin
Nafi se kerti hai isbat trawish goya
Di hi jame dahen usko dame ijaad nahin
Kam nahin jalwah gari mein tere koche se bahisht
Yahi naqshah hai wale is qader abad nahin
Kerte kis munh se ho ghurbat ki shikatyat Ghalib!
Tum ko be mohri yaarane watan yaad nahin!