PDA

View Full Version : کل کے لئے کر آج نہ خسّت شراب میں



intelligent086
12-27-2015, 10:21 AM
کل کے لئے کر آج نہ خسّت شراب میں
یہ سُوء ظن ہے ساقئ کوثر کے باب میں
ہیں آج کیوں ذلیل کہ کل تک نہ تھی پسند
گستاخئ فرشتہ ہماری جناب میں
جاں کیوں نکلنے لگتی ہے تن سے دمِ سماع
گر وہ صدا سمائی ہے چنگ و رباب میں
رَو میںہے رخشِ عمر، کہاں دیکھیے تھمے
نے ہاتھ باگ پر ہے نہ پا ہے رکاب میں
اتنا ہی مجھ کو اپنی حقیقت سے بُعد ہے
جتنا کہ وہمِ غیر سے ہُوں پیچ و تاب میں
اصلِ شہود و شاہد و مشہود ایک ہے
حیراں ہوں پھر مشاہدہ ہے کس حساب میں
ہے مشتمل نمُودِ صُوَر پر وجودِ بحر
یاں کیا دھرا ہے قطرہ و موج و حباب میں
شرم اک ادائے ناز ہے اپنے ہی سے سہی
ہیں کتنے بے حجاب کہ ہیں یُوں حجاب میں
آرائشِ جمال سے فارغ نہیں ہنوز
پیشِ نظر ہے آئینہ دائم نقاب میں
ہے غیبِ غیب جس کو سمجھتے ہیں ہم شہود
ہیںخواب میں ہنوز، جو جاگے ہیں خواب میں
غالبؔ ندیمِ دوست سے آتی ہے بوئے دوست
مشغولِ حق ہوں، بندگئ بُو تراب میں




Kal ke kiye, ker aaj nah khast shrab mein
Ye sozan hai saqiye kouser ke bab mein
Mein aaj kiyon zalil ki kal na thi pasand
Gustakhi farishtah hamari janab mein
Jaan kiyon nikalne lagti hai tan se dame sma
Ger woh sada samayee hai chung-o-rubab mein
Rau mein hai rakhshe umr, kahan daikhiye thame
Ne haath baag per hain na pa hai raqab mein
Itna hi mujh ko apni haqeqat se bod hai
Jitan ki wahme ghair se hoon pach-o-tab mein
Asle shhood-o-shahid-o-mashhood eik hai
Hairan hon phir mushahidah hai kis hisab mein!
Hai mushtamil namoode soor per wajoode baher
Yan kaya dhra hai qatrah-o-mauj-o-hubab mein
Sherm ek adaye naaz hai apne hi se sahi
Hain kitne be hijab ki hain yon hijab mein
Aaraishe jamal se farigh nahin hunooz
Paishe nazar hai aiena daim neqab mein
Hai ghib ghai jis ko samajhte hain hum shhood
Hain khuabmein hunooa, jo jage hain khuab mein
Ghalib nadeeme dost se aati hai boai dost
Mashghoole haq hon, bandagiye boturab mein