لازم تھا کہ دیکھو مرا رستہ کوئی دِن اور

[intelligent086]

لازم تھا کہ دیکھو مرا رستہ کوئی دِن اور
تنہا گئے کیوں؟ اب رہو تنہا کوئی دن اور
مٹ جائےگا سَر ،گر، ترا پتھر نہ گھِسے گا
ہوں در پہ ترے ناصیہ فرسا کوئی دن اور
آئے ہو کل اور آج ہی کہتے ہو کہ ’جاؤں؟‘
مانا کہ ھمیشہ نہیں اچھا کوئی دن اور
جاتے ہوئے کہتے ہو ’قیامت کو ملیں گے‘
کیا خوب! قیامت کا ہے گویا کوئی دن اور
ہاں اے فلکِ پیر! جواں تھا ابھی عارف
کیا تیرا بگڑ تا جو نہ مرتا کوئی دن اور
تم ماہِ شبِ چار دہم تھے مرے گھر کے
پھر کیوں نہ رہا گھر کا وہ نقشا کوئی دن اور
تم کون سے ایسے تھے کھرے داد و ستد کے
کرتا ملکُ الموت تقاضا کوئی دن اور
مجھ سے تمہیں نفرت سہی، نیر سے لڑائی
بچوں کا بھی دیکھا نہ تماشا کوئی دن اور
گزری نہ بہرحال یہ مدت خوش و ناخوش
کرنا تھا جواں مرگ گزارا کوئی دن اور
ناداں ہو جو کہتے ہو کہ ’کیوں جیتے ہیں غالبؔ‘
قسمت میں ہے مرنے کی تمنا کوئی دن اور


Lazim tha ki daikho mera rasta koi din aur
Tanha gai kiyon, ab raho tanha koi din aur
Mit jaiga ser, ger tera patther na ghise ga
Hoon der pe tere nasiya fersa koi din aur
Aye ho kal aur aaj hi kahte ho ki jaoon
Mana ki hamaisha nahin, achcha koi din aur
Jate ho kahte ho qyamat ko milein ge
Kaya khoob qayamat ka hai goya koi din aur
Han, ai falake peer!jawan tha abhi arif
Kaya tera bigadta jo na merta koi din aur
Tum mahe shabe char dahum the mere gher ke
Phir kion na rha gher ka naksha koi din aur
Tum kaun se the aise khare da dostad ke!
Kerta malak-ul-maut taqaza ki din aur
Mujh se tumehn nafrat sahi, nayyer se ldayee
Bachchon ka bhi na daikha tha tmasha koi din aur
Guzri na bher hal ye muddat khush-o-nakhush
Kera tha jawan merg! Guzara koi din aur
Nadan ho kiyon kahte ho ki jite hain Ghalib!
Qismat mein hain merne ki tamanna koi din aur