ہے بس کہ ہر اک ان کے اشارے میں نشاں اور

[intelligent086]

ہے بس کہ ہر اک ان کے اشارے میں نشاں اور
کرتے ہیں مَحبّت تو گزرتا ہے گماں اور
یارب وہ نہ سمجھے ہیں نہ سمجھیں گے مری بات
دے اور دل ان کو، جو نہ دے مجھ کو زباں اور
ابرو سے ہے کیا اس نگہِ ناز کو پیوند
ہے تیر مقرّر مگر اس کی ہے کماں اور
تم شہر میں ہو تو ہمیں کیا غم، جب اٹھیں گے
لے آئیں گے بازار سے جا کر دل و جاں اور
ہر چند سُبُک دست ہوۓ بت شکنی میں
ہم ہیں، تو ابھی راہ میں ہیں سنگِ گراں اور
ہے خوںِ جگر جوش میں دل کھول کے روتا
ہوتے جو کئی دیدۂ خو نبانہ فشاں اور
مرتا ہوں اس آواز پہ ہر چند سر اڑ جاۓ
جلاّد کو لیکن وہ کہے جائیں کہ ’ہاں اور‘
لوگوں کو ہے خورشیدِ جہاں تاب کا دھوکا
ہر روز دکھاتا ہوں میں اک داغِ نہاں اور
لیتا۔ نہ اگر دل تمھیں دیتا، کوئی دم چین
کرتا۔جو نہ مرتا، کوئی دن آہ و فغاں اور
پاتے نہیں جب راہ تو چڑھ جاتے ہیں نالے
رُکتی ہے مری طبع۔ تو ہوتی ہے رواں اور
ہیں اور بھی دنیا میں سخنور بہت اچھّے
کہتے ہیں کہ غالبؔ کا ہے اندازِ بیاں اور

Hai baski her ek un ke ishare mein nishan aur
Kerte hain muhabbat to guzarta hai giran aur
Yaarab! woh na samjhe hain na samjhenge meri bat
De aur dil un ko, jo na de mujh ko zaban aur
Abro se hai kaya us nigahe naaz ko paiwand
Hai teer muqarrer magar uski hai kman aur
Tum shaer mein ho to hamein kaya gum, jab uthenge
Le ayenge bazaar se jaker dil-o-jaan aur
Her chand subuk dast huai but shikani mein
Hum hain to abhi rah mein hai sunge geran aur
Hai khoone jigar josh main, dil khol ke rota
Hote jo koi dedai khoon nabah fishan aur
Merta hon is awaz pe, her chand ki ser ud jaai
Jallad ko lakin woh kahe jaien ki "han' aur"
Logon ko hai khurshide jahan tab ka dhoka
Her roz dikhata hon ek dage nihan aur
Laita na agar dil tumhien daita, koi dam chain
Keta jo na merta koi din, aah-o-fugan aur
Pate nahin jab rah, to chud jate hain nale
Rukti hai mei taba to hoti hai rawan aur
Hain aur bhi duniya mein sukhanwer bahut achche
Kahte hain ki Ghalib ka andaze bayan aur