intelligent086
10-16-2014, 10:09 PM
ڈالے ہوئے گردن جو مرا نامہ بر آیا
کچھ مطلب دل یار کا معلوم کر آیا
صورت ہے بتوں کی عجب اللہ کی قدرت
ہر جلوے میں اک اور ہی جلوہ نظر آیا
گر فکر میں ہو، راہ کے توشے کا کروفکر
اے غافلو نزدیک ہے روز سفر آیا
باندھی ترے ہاتھوں میں جو کل عیر نے مہندی
آنکھوں میں مری دیکھ کے لو ہوا تر آیا
لوٹے گا پڑا خاک کے بستر پہ وہ تا حشر
آرام کی گٹھڑی کو جو ہستی میں دھر آیا
کیا حرف زباں پر ترے آیا تھا کہ اے شمع
گل گیر ترے سر پہ جو منہ کھول کر آیا
کیا جانے بنی قیس پہ کیا دشت جنوں میں
جو خاک بسر آج بگولا نظر آیا
اک ہم ہی نہیں بے خبر آئے ہیں جہاں میں
جو آیا جہاں میں ہے سو وہ بے خبر آیا
میں شرم سے عصیاں کے ہوا سر بگریباں
جس وقت خیال آہ ادھر کا ظفر آیا
کچھ مطلب دل یار کا معلوم کر آیا
صورت ہے بتوں کی عجب اللہ کی قدرت
ہر جلوے میں اک اور ہی جلوہ نظر آیا
گر فکر میں ہو، راہ کے توشے کا کروفکر
اے غافلو نزدیک ہے روز سفر آیا
باندھی ترے ہاتھوں میں جو کل عیر نے مہندی
آنکھوں میں مری دیکھ کے لو ہوا تر آیا
لوٹے گا پڑا خاک کے بستر پہ وہ تا حشر
آرام کی گٹھڑی کو جو ہستی میں دھر آیا
کیا حرف زباں پر ترے آیا تھا کہ اے شمع
گل گیر ترے سر پہ جو منہ کھول کر آیا
کیا جانے بنی قیس پہ کیا دشت جنوں میں
جو خاک بسر آج بگولا نظر آیا
اک ہم ہی نہیں بے خبر آئے ہیں جہاں میں
جو آیا جہاں میں ہے سو وہ بے خبر آیا
میں شرم سے عصیاں کے ہوا سر بگریباں
جس وقت خیال آہ ادھر کا ظفر آیا